徐生指近兩個月是釣大石斑的好日子,每條至少 1斤重。「呢度最多細鱗、石斑及𩶘魚,早幾日就有個客釣到條 3斤牛屎𩶘。」 

Jobs Live

魚排版 釣魚發燒友

Ads by Google

手 機遊戲《釣魚發燒友》玩法易上手,令不少低頭族沉迷,玩到頸緊兼膊痛。其實,在虛擬世界釣魚邊夠真實咁好玩吖!想舒舒服服享受垂釣之樂,可以到魚排走一 趟。像徐生經營的「三星釣魚會」,釣客不時可釣到石斑、𩶘魚,要嘗試真正釣魚滋味,就要放下手機,拿起魚竿力搏真正的大魚吧!
 
「三星釣魚會」位於西貢三星灣泳灘附近,離白沙灣碼頭約 5分鐘船程。採訪當天,老闆徐生在魚排上,釣獲一條大石斑,「釣魚都有分季節,好似呢幾個月會較多魷魚、火點、紅鮋及石斑;中秋過後,鱸魚就會游嚟香港水域,條條至少成斤重。」
今年 37歲的徐生雖不是水上人,但他自小就喜歡水上活動,「喺我 10歲時,爸爸已經喺榕樹澳買咗個私人魚排,每逢放假爸爸就會帶我上去釣魚及遊船河。到 18歲,我已經考咗船牌、潛水牌及打魚牌。」

海水侵蝕金屬,因此徐生會定期為魚排上的金屬部分鬆油,防止生鏽。 

魚排提供手排給客人垂釣,每當有空,徐生便要為手排綁好鉛和勾。 

每天徐生都會檢查魚排外圍有沒有破損,以確保釣客安全。

賺錢買魚排
其後,徐生北上做大廈外牆廣告生意,「喺國內生活咗十幾年,日日傾生意應酬,覺得身體一日比一日差, 2年前搵夠錢就決定返香港休息。」直到半年前,徐生在朋友介紹下,買了一個魚排來經營,「我一直都想好似爸爸咁有自己嘅魚排,大個咗有能力就試吓買個嚟玩。」
徐 生的魚排沒有養魚,只供人釣魚,同時場地提供手排、魚勾及魚餌給客人使用,「我哋收$110位任釣,如果客人要釣通宵魚,我就會畀佢哋喺魚排自由活動,第 二朝先載佢返上岸。試過有個客帶齊食物同水,喺度釣足 3日 3夜,最終俾佢釣到幾條石斑走,釣魚發燒友嘅毅力真係驚人。」
徐生指 4月到 11月是魚排釣魚的旺季,星期六、日及公眾假期要平均每日要應付 70位客人,「閒日我哋會做好保養工作,現時我只請咗一名員工幫手,連保養及水電費用,平均開支約$60,000,啱啱好賺到份人工!」

魚排的地板是用梢木製成,徐生會用海水洗地,「梢木好結實, 1塊可以用 10年,但呢種木好得意,清洗一定要用咸水,否則會發霉。」 

徐生會親自接送客人往返魚排。 

魚排位於三星灣泳灘附近,如果客人想到泳灘游泳,魚排亦提供接送服務。 

場地總面積約 2千平方呎,最多可容納 150人。 

 

客人 文先生我差唔多每星期都嚟釣魚,上星期我先釣到條 3斤重嘅青斑。 

查詢:三星釣魚會  9512 1356
不發新魚排牌照
目 前政府已不再發放新的魚排牌照,想像徐生一樣擁有魚排就要私下找賣家,「𠵱家全港約有 1,100個魚排,當中大部分都係舊時漁民淨落嚟,當時我用咗 7位數字,買咗呢個面積約 2千呎嘅魚排返嚟。」魚排交易只需向漁護署繳付$180作為牌照轉換費便可。此外,每年需按場地面積繳付牌費,收費每平方米$7.8,以「三星釣魚會」為 例,每年需付約$1,500。
查詢:漁護署 2150 7108